РФ рыхтуе тэрытарыяльныя прэтэнзіі да ЗША што да Берынгавай пратокі
- 27.01.2020, 18:09
РФ можа адмовіцца ад выканання савецка-амерыканскага «пагаднення Шэварнадзэ-Бэйкера».
Расея разглядае магчымасць адмовіцца ад выканання савецка-амерыканскага «пагаднення Шэварнадзэ-Бэйкера», у адпаведнасці з якім была размежаваная марская прастора Берынгавай пратокі, паведамляе finanz.ru.
Мэтазгоднасць далейшага выканання пагаднення ў панядзелак у закрытым рэжыме абмеркавалі профільныя камітэты Савета Федэрацыі, распавёў «Інтэрфаксу» кіраўнік камітэта ў міжнародных справах Канстанцін Касачоў.
З ягоных слоў, на пасяджэнне былі запрошаныя прадстаўнікі МЗС, ФСБ і Расрыбалоўлі, і ўсе «былі адзіныя» ў сваёй пазіцыі. Яна неўзабаве будзе афіцыйна дакладзеная спікеру Савета Федэрацыі Валянціне Мацвіенцы.
Пагадненне, падпісанае ў 1990 годзе, так і не было ратыфікаванае на ўзроўні парламента ні за Савецкім саюзам, ні за РФ. Гэта азначае, што рэжым яго выкарыстання - «часовы», паведаміў намеснік кіраўніка МЗС РФ Сяргей Рабкоў.
У адпаведнасці з артыкулам 15 федэральнага закона «Аб міжнародных дамовах РФ», пагадненні аб тэрытарыяльных межах, у тым ліку аб размежаванні кантынентальнага шэльфа падлягаюць ратыфікацыі. А без яе не маюць абавязкоывай юрыдычнай сілы, хоць і могуць выкарыстоўвацца на часовай аснове.
Ідэю скончыць з пагадненнем і дэ-факта абвясціць расейскай частку эканамічнай зоны, якую за сваю ўважаюць ЗША, у кастрычніку мінулага года выказаў сенатар ад Камчацкага краю Барыс Няўзораў.
З ягоных слоў, дамова Шэварнадзэ-Бэйкера насіла дыскрымінацыйны характар і несправядліва пазбавіла Расею тэрыторыі 78 тысяч кв км Берынгава мора, уключаючы кантынентальны шэльф.
«Пры ўвядзенні 200-мільных выключных эканамічных зон паміж нашымі краінамі ў раёне Берынгава і Чукоцкага мораў, якія накладваліся адзін на аднаго цягам 1500 міль, размежаванні марскіх прастор у адпаведнасці з міжнароднай практыкай павінны праходзіць па сярэдняй лініі, роўнааддаленымі ад берагоў дзвюх краін. Аднак праз саступкі Шэварнадзэ мяжу спрэчных адрэзкаў правялі па амерыканскай артадрамічнай наўпроставай лініі», - тлумачыў Няўзораў.
У выніку, з ягоных слоў, Расея страціла магчымасць штогод здабываць больш за 500 тысяч тон рыбы і краба, а таксама пазбавілася доступу да нафтагазавых радовішчаў на сотні мільярдаў даляраў.
Часовая лінія размежавання стала перашкодай для развіцця Паўночнага марскога шляху, казаў Няўзораў: «Цяпер, калі танкер пойдзе з газам, трэба пытацца ў амерыканцаў дазволу на праход у эканамічнай зоне. Гэта ўвогуле абсурд».
Спікер Савета Федэрацыі Валянціна Мацвіенка падтрымала ідэю сенатара. «Мы ўсё саромеемся, мы ўсё сціпла сябе паводзіць. Нас малоцяць па ўсіх гэтых самых, а мы толькі страшым, што ўжывем сіметрычныя захады. Дык трэба ўжываць сіметрычныя захады - ну, колькі можна праглынаць такое стаўленне да Расеі?», - абурылася Мацвіенка.