Зяленскі: Еўропа і свет не маюць права сёння маўчаць, як гэта было ў 1939 годзе

• 27.01.2020, 17:11

Згуртаванасць міжнароднай супольнасці дазволіць даць адпор усякай агрэсіі.

Прэзідэнт Украіны Уладзімір Зяленскі заявіў, што еўрапейская і міжнародная супольнасць не маюць права маўчаць, як гэта было ў 1939 годзе, калі змова таталітарных рэжымаў прывяла да пачатку Другой сусветнай вайны і ўсіх трагічных падзей, да якіх прывялі яе наступствы.

Як інфармуе «Інтэрфакс-Україна», пра гэта ён заявіў на супольным брыфінгу з прэзідэнтам Польшчы Анджэем Дудам у панядзелак у Асвенцыме.

«Польшча і польскі народ першымі адчулі на сабе наступствы злачыннай змовы таталітарных рэжымаў. Гэта прывяло да пачатку Другой сусветнай вайны і дазволіла нацыстам запусціць смяротны махавік Халакоста. Сёння ўсім дэмакратычным дзяржавам трэба аб'яднаць свае намаганні. Еўропа і свет не маюць права сёння маўчаць, як гэта было ў 1939 годзе, не маюць права на абыякавасць і бяздзейнасць», - падкрэсліў Зяленскі.

Прэзідэнт Украіны перакананы, што толькі згуртаванасць міжнароднай супольнасці дазволіць даць адпор усякай агрэсіі і зберагчы чалавецтва ад новых пакут.

Зяленскі адзначыў, што ўсе дзяржавы свету павінны сказаць «не» таталітарным ідэялогіям, ксенафобіі, агрэсіі, рэпрэсіям, усякім праявам нянавісці і нецярпімасці.