Прадстаўнік дэлегацыі Украіны стаў віцэ-прэзідэнтам ПАРЕ

• 27.01.2020, 15:02

Пасады віцэ-прэзідэнтаў размяркоўваюць па квотах дзяржаў-чальцоў.

Чальца ўкраінскай дэлегацыі ў ПАРЕ Аляксандра Меражко абралі віцэ-прэзідэнтам Парламенцкай асамблеі Рады Еўропы.

Пра гэта напісала на сваёй старонцы ў Facebook чалец дэлегацыі Яўгенія Краўчук, паведамляе «Еўрапейская праўда».

Дваццаць віцэ-прэзідэнтаў ад дзяржаў-чальцоў ПАРЕ выбіраюцца штогод у пачатку чарговай сесіі і застаюцца на пасадзе да адкрыцця наступнай сесіі.

Варта адзначыць, што галасавання за Меражко не было, пасады віцэ-прэзідэнтаў размяркоўваюць па квотах дзяржаў-чальцоў.

Віцэ-прэзідэнт пры неабходнасці можа падмяніць прэзідэнта і старшыняваць на пасяджэнні Асамблеі або на дэбатах (калі не ўдзельнічае ў іх як дакладчык). Таксама віцэ-прэзідэнт аўтаматычна ўваходзіць у склад Бюро, якое вядзе пасяджэннi шляхам падрыхтоўкі парадку дня сесій і вызначэння пытанняў, якія заслугоўваюць асвятлення ў дакладах.

Меражко нядаўна стаў старшынём камітэта Вярхоўнай рады ў пытаннях замежнай палітыкі і міжпарламенцкага супрацоўніцтва. Ён - дэпутат ад партыі «Слуга народа».