КДБ узяў пад варту былога высокапастаўленага супрацоўніка МУС?

• 27.01.2020, 14:53

Пра гэта паведамляе блогер NEXTA.

Чарговае гучнае затрыманне адбылося ў Беларусі 24 студзеня. КДБ узяў пад варту экс-кіраўніка 2-й управы ГУБАЗіК МУС Уладзіміра Ціхіню - з чутак, за хабар, паведамляе Telegram-канал NEXTA.

Асаблівай пікантнасці сітуацыі надае тое, што ўсяго за два дні да гэтага, 22 студзеня, ён атрымаў ганаровы медаль МУС.

У адстаўку са сваёй пасады афіцэр выйшаў крыху больш за месяц таму, 16 снежня. Да гэтага высокапастаўлены супрацоўнік МУС неаднаразова мільгаў у прэсе, яго называлі "пагрозай для злодзеяў у законе" і "зоркай крымінальнага вышуку".