Зніклая карціна Марка Шагала пайшла з малатка за $110 тысяч
- 26.01.2020, 15:38
Аўкцыён адбыўся ў Ізраілі.
Карціну Марка Шагала "Лесвіца Якава" прадалі на аўкцыёне за 110 тысяч даляраў, паведамляе tvr.by.
Менавіта гэтую версію палатна, а знакаміты мастак стварыў цэлую серыю карцін на падобную тэму, выкралі з выставы ў Тэль-Авіве. Крадзеж адбыўся ў 1996 годзе. А ў 2015-м твор выявілі падчас разбору рэчаў памерлай жыхаркі Ерусаліма. Палатно, напісанае ў 1973 годзе, захоўвалася ў сейфе.
Як паведамляў сайт Сharter97.org, аўкцыён прайшоў у ізраільскім горадзе Герцлія.