Яўген Афнагель: Могуць быць розныя сцэнары змены ўлады ў Беларусі

• 25.01.2020, 11:58

Але для гэтага ёсць адна ключавая ўмова.

Каардынатар грамадзянскай кампаніі «Еўрапейская Беларусь» Яўген Афнагель заявіў БелаПАН, што ў Беларусі могуць быць розныя сцэнары змены ўлады ў гэтым вызначальным годзе, паведамляе прэс-служба грамадзянскай кампаніі.

«Мы гаварылі і пацвярджаем, што будзем браць удзел у прэзідэнцкай кампаніі, выкарыстоўваць яе ў гэты вызначальны год для Беларусі. Мы мяркуем, што сёлета змяніць уладу рэальна. Ключавым момантам і неабходнай умовай для змены ўлады з'яўляюцца вулічныя пратэсты. Як гэта будзе адбывацца, у чым выказвацца, стане вядома ў патрэбны час», - сказаў Афнагель.

«Трэба глядзець і думаць, у Беларусі шмат лідараў, гатовых змяніць Лукашэнку... Ці могуць быць розныя сцэнары», - заявіў актывіст.