Медыкі распавялі пра карысць зефіру для здароўя

• 25.01.2020, 11:40

Слодыч змяшчае ўнікальныя рэчывы.

Зефір прызналі вельмі карысным для жанчын, бо ён памяншае боль пры менструацыі і прыводзіць у парадак працу ўнутраных органаў. Таксама прадукт спрыяльна адбіваецца на разумовай дзейнасці, піша lenta.ua.

Са слоў медыкаў, зефір не павінен цалкам замяніць астатнюю ежу, а стаць часткай рацыёну. У яго склад уваходзіць агар-агар, багаты на ёд і селен, бо гэтую дабаўку вырабляюць з марскіх водарасцяў. Яны станоўча ўздзейнічаюць на шчытападобную залозу, паляпшаюць стан скуры і памяншаюць рызыку з'яўлення анкалогіі. Зефір нясе карысць дзецям праз яго асаблівасці не павялічваць узровень цукру ў крыві і здольнасць не прычыняць шкоды зубам.

Дыетолагі раяць людзям ужываць гэты кандытарскі выраб, бо ён добра насычае арганізм карыснымі элементамі без якой-небудзь шкоды для таліі. Гэта асабліва актуальна для прадстаўніц прыгожага полу, да таго ж зефір пазітыўна ўздзейнічае на функцыянаванне ўнутраных органаў. Таксама ў ім змяшчаюцца рэчывы, якія «перазапускаюць» працу ЖКТ пасля ўжывання страў, насычаных тлушчамі.