Крэмль патлумачыў адсутнасць сустрэчы Пуціна з Зяленскім у Ізраілі
- 23.01.2020, 21:03
Прэзідэнт Украіны скасаваў сустрэчу.
Прэзідэнт РФ Уладзімір Пуцін не сустракаўся ў Ізраілі са сваім украінскім калегам Уладзімірам Зяленскім, бо той не прыехаў на Сусветны форум памяці ахвяр халакосту.
Пра гэта паведаміў ТАСС прэс-сакратар расейскага лідара Дзмітрый Пяскоў.
«Не. Не было. Зяленскі, на жаль, скасаваў свой прыезд на форум», - сказаў Пяскоў, адказваючы на пытанне, ці была сустрэча лідараў дзвюх краін.
Па завяршэнні форуму ў Ерусаліме Пуцін выехаў у Віфлеем на перамовы з кіраўніком Палестыны Махмудам Абасам.