Рэдкая знаходка: у Даніі знайшлі пярсцёнак каменнага веку
- 22.01.2020, 15:29
Ён зроблены з рога аленя.
Пярсцёнак часоў каменнага веку, зроблены з рога аленя, быў знойдзены на неалітычным археалагічным аб'екце ў Даніі. Цягам тысячагоддзяў гэта месца было схаванае пад тоўшчай марской вады, піша «Вокруг света».
Пярсцёнак знайшлі на чацвёртым па велічыні востраве Даніі - Лалане. Побач з ім былі і іншыя прадметы, зробленыя з арганічных матэрыялаў - дрэва і косці.
Пярсцёнак зламаны, але «ў астатнім выдатна захаваўся», кажуць даследнікі. Сваю знаходку яны апісалі ў артыкуле, апублікаваным у часопісе «Royal Society Open Science».
Дыяметр пярсцёнка складае 2,4 сантыметра, а значыць, ён досыць вялікі, каб налезці на чалавечы палец. Ён адпаліраваны, і на ўнутранай частцы ўсё яшчэ ўтрымлівае сляды арыгінальнай разьбы. Са слоў даследнікаў, стан пярсцёнка сведчыць аб тым, што яго практычна не насілі. Альбо ж ён зламаўся яшчэ ў працэсе вытворчасці.
Навукоўцы датавалі аб'ект з дапамогай прадметаў, размешчаных побач з ім. Даследаванні паказалі, што пярсцёнак быў зроблены прыкладна 5500-6300 гадоў назад з косці лася або аленя. Не заўсёды магчыма правесці адрозненне паміж матэрыялам, атрыманых ад двух блізкароднасных відаў.
Пярсцёнак, знойдзены на выспе, - толькі другая знаходка такога кшталту ў Даніі. Невядома, чаму гэты тып упрыгажэнняў так рэдка сустракаецца ў краіне. Адна з тэорый палягае ў тым, што дробныя аб'екты проста не захаваліся.
Іншая тэорыя - у тым, што пярсцёнкі ў вельмі невялікай колькасці прывозілі з поўначы сучаснай Нямеччыны.