Трамп у Давосе: Амерыка квітнее і перамагае
- 21.01.2020, 15:35
На думку Трампа, у ЗША «абудзілася моц амерыканскага прадпрымальніцтва».
Прэзідэнт ЗША Дональд Трамп заявіў на Сусветным эканамічным форуме ў Давосе, што ў Штатах цяпер назіраецца «эканамічны бум», піша «Новое время».
«У ЗША цяпер эканамічны бум, падобнага якому свет яшчэ не бачыў», - адзначыў ён.
На думку Трампа, у краіне «абудзілася моц амерыканскага прадпрымальніцтва».
«Амерыка мае поспех. Амерыка квітнее. І так, Амерыка зноў перамагае, як ніколі», - заявіў ён.
Кіраўнік Белага дома падкрэсліў, што асабліва эканамічны бум адчувае рабочы клас.
«Гэта бум сініх каўнерыкаў. Амерыканская мара вярнулася, стала лепшай і мацнейшай, чым калі-небудзь раней», - дадаў ён.
Са слоў Трампа, ён задаволены тым, як развіваюцца дачыненні ЗША і Кітая.
«Нашы стасункі з Кітаем, магчыма, цяпер лепшыя, чым калі б там ні было», - заявіў ён, нагадаўшы, што Пекін і Вашынгтон нядаўна падпісалі першую фазу гандлёвага пагаднення.
Трамп таксама падкрэсліў, што ў яго вельмі добрыя стасункі з кіраўніком КНР Сі Цзіньпінам.
«Ён - за Кітай, а я - за ЗША. У астатнім мы любім адзін аднаго», - сказаў Трамп.