У новага прэм'ера РФ знайшлі беларускія карані

• 18.01.2020, 21:33

Бацька Міхаіла Мішусціна нарадзіўся ў Полацку.

У расейскіх СМІ з'яўляюцца новыя падрабязнасці пра біяграфію новага расейскага прэм'ер-міністра Міхаіла Мішусціна. Ён нарадзіўся ў 1966 годзе ў Лобным у Маскоўскай вобласці.

З'явілася інфармацыя, што яго бацька, Уладзімір Майсеевіч, нарадзіўся ў 1939 годзе ў Беларусі ў Полацку. Маці прэм'ера Луіза Міхайлаўна - ураджэнка Архангельскай вобласці Расеі, паведамляе kp.by.

Бацькі Міхаіла Мішусціна жылі ў Маскве, а пасля пераехалі ў Лобнае. Уладзімір Мішусцін працаваў у службе аховы «Аэрафлота».