Украіна і Грузія абвінавацілі Расею ў правакацыях на моры

• 18.01.2020, 13:20

РФ перашкаджае пошукава-выратавальным аперацыям у Чорным і Азоўскім морах.

Дэлегацыі Украіны і Грузіі накіравалі скаргу ў Міжнародную марскую арганізацыю (ММА) на "супрацьпраўныя" дзеянні Расеі ў Азоўскім і Чорным морах, а таксама ў Керчанскім праліве.

Пра гэта ў суботу, 17 студзеня, паведамляе амбасада Украіны ў Вялікай Брытаніі ў сваім Facebook, піша dw.com.

Дзеянні Расеі перашкаджаюць пошукава-выратавальным аперацыям, гаворыцца ў паведамленні. Скаргу Украіны і Грузіі на гэта падтрымалі ў ЕЗ і ЗША, сказана ў паведамленні.

Раней Кіеў выказваў пратэст праз пашырэнне раёна абслугоўвання радыёстанцыяй НАВТЭКС-Новарасійск у ММА, піша РБК. Украіна тады настойвала, што аб'явы навігацыйнай інфармацыі пра бяспеку мараплаўства павінны распаўсюджвацца толькі ўкраінскай радыёстанцыяй НАВТЭКС-Бярдзянск.