Як вырастуць тарыфы «Белтэлекама», «МТС» і А1

• 16.01.2020, 18:42

Пра гэта распавялі ў МАРГ.

МАРГ нагадаў, што ажыццяўляе рэгуляванне тарыфаў на паслугі электрасувязі суб'ектаў гаспадарання, уключаных у Дзяржрэестр суб'ектаў гаспадарання, якія займаюць дамінуючае становішча, паведамляе belmir.by.

У гэты рэестр уключаныя 3 аператары электрасувязі, якія надаюць паслугі электрасувязі насельніцтву і юрыдычным асобам у наступных таварных пазіцыях: РУП «Белтэлекам» - паслуга перадачы інфармацыі з выхадам у сетку інтэрнэт з стацыянарным шырокапалосным доступам; СТАА «МТС» і УП «А1» - паслугі сотавай рухомай электрасувязі.

У рамках кантролю за цэнаўтварэннем на сацыяльна значныя паслугі з усімі аператарамі МАРГ уклала пагадненні, у якіх прадугледжанае павышэнне тарыфаў у 2020 годзе не вышэй за базавы ўзровень інфляцыі, г.зн., не больш за 4%.

Пры гэтым падвышэнне тарыфаў аператарамі сотавай рухомай электрасувязі прадугледжанае не раней за 4-ы квартал гэтага года, а РУП «Белтэлекам» - у першым паўгоддзі не больш як 2,5 адсоткі, астатняя частка - у другім паўгоддзі.

У пагадненнях таксама прадугледжана, што падвысіць тарыфы аператары змогуць толькі пры выкананні ўзроўню інфляцыі агулам у краіне.