Менчукі чулі сірэну ў раёне ЦЭЦ-4

• 13.01.2020, 20:59

Што гэта было?

Увечары 13 студзеня менчукі сталі паведамляць у рэдакцыю tut.by, што чулі сірэну ў раёне ЦЭЦ-4 у Менску (Фрунзенскі раён). Што гэта было, распавялі ў РУП «Мінскэнэрга».

У «Мінскэнэрга» паведамілі, што сірэна спрацавала самаадвольна.

«2020/01/13 а 19.05 на ЦЭЦ-4 самаадвольна спрацавала сірэна П-164 сістэмы абвесткі пры надзвычайных сітуацыях. Па сканчэнні 1 хвіліны сірэна П-164 адключаная персаналам ЦЭЦ-4 з паведамленнем МНС. Парушэнняў у працы абсталявання ЦЭЦ-4 не выяўлена», - сказана ў паведамленні.

Там удакладнілі, што энэргасістэма горада працуе ў штатным рэжыме без збояў.