20-гадовы хакеіст менскага «Дынама» названы найлепшым навічком тыдня ў КХЛ
- 13.01.2020, 20:41
Арцём Аносаў правёў на мінулым тыдні 2 паспяховыя матчы.
20-гадовы форвард менскага «Дынама» Арцём Аносаў названы Кантынентальнай хакейнай лігай найлепшым навічком тыдня, піша tut.by.
Аносаў правёў на мінулым тыдні 2 матчы, у якіх набраў 2 (0 + 2) балы паводле сістэмы «гол + пас» пры паказчыку карыснасці «+1».
Форвард выходзіў на лёд у адной тройцы з Раянам Спунерам і Шэйнам Прынсам.
Усяго ў гэтым сезоне Арцём Аносаў адыграў за «Дынама» 5 матчаў і вызначыўся 2 (0 + 2) баламі.
Таксама ён правёў 20 гульняў за «Юнацтва» ў Экстралізе, набраўшы 6 (1 + 5) балаў.