Lidbeer: Як у Лідзе прайшоў Октоберфест па-беларуску

• 9.09.2019, 18:44

Ужо пятым разам Ліда стала месцам, якое аб'ядноўвае аматараў піва, весялосці і драйву.

У суботу, 7 верасня ў Лідзе прайшоў фестываль Lidbeer, паведамляе euroradio.fm.

Сёлета праблем на фестывалі не было ні з чым: чэргі прымальныя, ежы ўсім хапала, а месца для адпачынку было нават больш чым трэба. Гасцям прапанавалі багатую забаўляльную праграму, таму сядзець на месцы, папіваючы «лідскае», не даводзілася. Тут былі дэгустацыі напояў, парк атракцыёнаў, вулічныя музыкі і палёты на гелікаптэры.

Асобнай праграмай на Lidbeer ішоў канцэрт, хэдлайнерамі якога сталі рэпер Элджэй, гурты «Сплін» і «Чайф», AKUTE і іншыя музычныя калектывы.

Скончыўся фестываль святочным феерверкам.