Сцягі з «Пагоняй» на адкрыцці помніка Гедыміну ў Лідзе

• 7.09.2019, 12:41

Актывісты «Еўрапейскай Беларусі» разгарнулі гістарычныя сцягі.

У Лідзе адбылося адкрыццё помніка вялікаму князю літоўскаму Гедыміну. На адкрыццё прыйшлі актывісты грамадзянскай кампаніі «Еўрапейская Беларусь» і паднялі сцягі з беларускім гербам «Пагоня» і бел-чырвона-белыя нацыянальныя сцягі.

«Сцягі з “Пагоняй” сёння ў Лідзе – заўтра ў Менску. Сустрэнемся на нашых пікетах ужо ў найбліжэйшы час», – напісаў у Фэйсбуку каардынатар «Еўрапейскай Беларусі» Яўген Афнагель.