Какава спрыяе ўмацаванню імунітэту

• 27.09.2019, 11:26

Спецыялісты правялі даследаванне і ўстанавілі карысныя ўласцівасці какавы.

Гэты парашок можа спрыяць умацаванню імунітэту і станоўча ўздзейнічаць на здароўе, піша orthodox.od.ua.

Набліжаецца восень, а таму неўзабаве пачнецца сезон вірусных захворванняў. Медыкі рэкамендуюць для прафілактыкі ўжываць больш какавы, бо гэты прадукт змяшчае ў сабе розныя карысныя рэчывы, у тым ліку вітамін D, які з'яўляецца рэдкім. Менавіта ён дапамагае арганізму супрацьстаяць хваробам, якія распаўсюджваюцца паветрана-кропельным шляхам. Лекары правялі некалькі навуковых прац, жадаючы высветліць, ці мае гэта расліна, апроч сваіх пажыўных уласцівасцяў, і іншыя якасці. Як выявілася, яна можа стаць крыніцай энэргіі і сілы пры барацьбе з прастуднымі захворваннямі.

Для гэтага неабходна ўжываць какаву ва ўсякім выглядзе. З яе можна рабіць падбадзёрлівы напой або дадаваць у выпечку, галоўнае, каб парашок складаў не менш за 70%. Акрамя гэтага, яна ўжо маецца ў шакаладзе. Для штодзённага падмацавання арганізма карыснымі рэчывамі трэба з'ядаць 40 грам прысмаку. Адзначаецца, акрамя здароўя, прадукт павышае ўседлівасць у дзяцей, а гэта павысіць іх увагу падчас школьных заняткаў.