На мяжы Беларусі з ЕЗ стаяць сотні грузавікоў

• 22.09.2019, 18:44

Больш за ўсё цяжкавікоў у літоўскім кірунку «Каменны Лог».

На мяжы Беларусі з Еўразвязам зноў стаяць чэргі з сотняў грузавікоў. Паводле інфармацыі Дзяржаўнага памежнага камітэта, паводле стану на 16:00 усяго было блізу 900 машын, якія чакалі на выездзе з нашай краіны.

Больш за ўсё цяжкавікоў у літоўскім кірунку: «Каменны Лог» - 180, «Прывалка» - 160, «Беняконі» - 50, «Катлоўка» - больш за 40. Таксама на ўездзе ў Беларусь у «Беняконях» стаяць больш за 120 грузавікоў.

Значныя чэргі і ў латвійскім кірунку: «Грыгароўшчына» - больш за 110, «Урбаны» - больш за 130. Таксама фуры стаяць на мяжы з Польшчай: «Брузгі» - 100, «Казловічы» - 80, «Бераставіца» - 40. У адваротным кірунку стаяць 150 цяжкавікоў у «Брузгах», 120 у «Бераставіцы» і 20 у «Казловічах».

Такая сітуацыя нярэдка назіраецца ў выходныя.