«Газпрам» зноў будзе залежаць ад украінскай газавай трубы

• 21.09.2019, 21:18

Расея ўжо не здольная ажыццяўляць свой гадавы аб'ём паставак газу ў ЕЗ.

У мінулую суботу на наземным адгалінаванні газаправода «Паўночная плынь - 1» OPAL, які праходзіць па тэрыторыі Нямеччыны, быў пачаты працэс скарачэння аб'ёмаў газу, які пастаўляецца з Расеі згодна з патрабаваннямі еўрапейскай энэргетычнай салідарнасці, піша блогер Злы адэсіт для inforesist.org.

Гэты працэс на раніцу панядзелка ўжо прывёў да таго, што на найбуйнейшым у ЕЗ хабе TTF цана за 1 тысячу кубаметраў перавысіла 170 еўраў, хоць даслоўна тыдзень таму вар'іравала блізу 130 еўраў.

Нагадаю, што скарачэнне паставак газу па трубаправодзе «Паўночная плынь - 1» пачалося пасля таго як еўрапейскі суд забараніў «Газпраму» выкарыстоўваць больш за 50% аб'ёму сухапутнай галінкі OPAL. Раней, згодна з рашэннем «Еўракамісіі» пастаўкі расейскага газу па газаправодзе маглі ажыццяўляцца ў аб'ёме 90% ад яго магутнасці. Аднак гэты факт абурыў Польшчу і менавіта яна падала пазоў у суд Еўразвязу, з патрабаваннем ануляваць гэтае рашэнне Еўракамісіі, бо гэта супярэчыць асновам энэргетычнай еўрасалідарнасці.

Такім чынам, што мы маем у наяўнасці?

Так, рост цаны газу, з прычыны сітуацыі, якая склалася быў непазбежны. Шмат у чым гэтую сітуацыю нават можна назваць шокавай для газавага рынку ЕЗ, бо гаворка ідзе пра блакаванне паставак больш за 12 млрд кубаметраў газу. З іншага боку, з часам гэты недахоп будзе кампенсаваны, а з улікам імклівай экспансіі ЗПГ ЗША, нават хутчэй чым здаецца. Але застануцца наступствы.

Наступствы ў выглядзе скарачэння паставак і даходаў самога «Газпрама», а гэтак жа нарастальная залежнасць ад ГТС Украіны. Так-так, менавіта так. Бо без украінскай ГТС Расея не здольная ажыццяўляць свой гадавы аб'ём паставак газу ў ЕЗ, а з улікам скарачэння яе магутнасцяў па яе ж трубаправодах, залежнасць ад украінскай трубы вырастае ў разы.