МНС папярэджвае пра моцны вецер у панядзелак
- 15.09.2019, 18:48
Карысныя рэкамендацыі ад выратавальнікаў.
У панядзелак 16 верасня надвор'е працягне псавацца. Чакаем вецер да 20 м/с. Беражыце сябе, гаворыцца ў паведамленні МНС у тэлеграм-канале ведамства, піша tut.by.
Пры гэтым МНС нагадвае, што ў паўднёва-ўсходніх раёнах Гомельскай вобласці - надзвычайная пажарная небяспека - чырвоны ўзровень. Паводле стана на 15 верасня не дазваляецца заходзіць у лес у 19 раёнах Гомельшчыны, за выключэннем Рагачоўскага і Кастрычніцкага.
Белгідрамет на панядзелак абвясціў аранжавы ўзровень небяспекі.
Рэкамендацыі МНС пры моцным ветры:
- прыбярыце рэчы з двара і балконаў у дом (склеп), абрэжце сухія дрэвы, якія могуць нанесці шкоду вашаму жыллю;
- машыну пастаўце ў гараж ці прыпаркуйце ўдалечыні ад дрэў, а таксама слаба ўмацаваных канструкцый;
- знаходзячыся на вуліцы, абыходзьце хісткія будынкі і дамы з няўстойлівым дахам;
- пазбягайце дрэў і разнастайных збудаванняў павышанай рызыкі (мастоў, эстакад, трубаправодаў, ліній электраперадачы, патэнцыйна небяспечных прамысловых аб'ектаў).