Па даху берасцейскага Дома правасуддзя шпацыраваў мужчына ў трусах
- 15.09.2019, 10:47
Карыстальнікі б'юцца ў здагадках, што яго прывяло туды ў такім выглядзе.
Днямі на даху Дома правасуддзя ў Берасці быў заўважаны паўголы мужчына. Фотаздымкі, зробленыя з суседняга офіснага будынка, выклалі ў паблік Онлайн Берасце.
Можна было пабачыць, што на мужчыну былі трусы, шкарпэткі і, верагодна, чаравікі.
Дом правасуддзя ў Берасці адчыніўся ў пачатку лета і месціць у сябе абласны і тры раённыя суды. Карыстальнікі б'юцца ў здагадках, што прывяло мужчыну туды ў такім выглядзе: паспрачаўся? Выйшаў пазагараць? Займаўся рамонтам?