Новая Вярхоўная Рада Украіны ўпершыню праваліла галасаванне
- 12.09.2019, 18:47
Новай Радзе ўпершыню не ўдалося сабраць 226 або больш галасоў «за» для прыняцця пастановы.
Пра гэта паведамляе «Украинская правда».
Падчас вячэрняга пасяджэння ў чацвер, 12 верасня дэпутаты 248 галасамі прынялі ў першым чытанні законапраект Аб унясенні змяненняў у некаторыя заканадаўчыя акты Украіны ў кіраванні бяспекай аўтамабільных дарог.
Пасля гэтага кіраўнік Рады Дзмітрый Разумкоў паставіў на галасаванне прапанову скараціць тэрміны падрыхтоўкі да другога чытання. Аднак гэтым разам у Радзе не знайшлося 226 або больш галасоў для прыняцця пастановы.
«За» прагаласавалі 223 народныя выбраннікі, супраць-14, яшчэ 61-устрымаўся.
Найбольшая парламенцкая фракцыя «Слуга народа», у якую ўваходзіць 251 дэпутат, дала 208 галасоў «за».