Ліянэль Мэсі прызнаны аўтарам найлепшага гола сезону 2018/19
- 9.08.2019, 17:11
За знакамітага футбаліста прагаласавала большасць заўзятараў.
Аргенцінскі форвард «Барселоны» Ліянэль Мэсі прызнаны аўтарам найлепшага гола сезону 2018/19. За ягоны мяч са штрафнога ўдару ў браму «Ліверпуля» ў паўфінале Лігі чэмпіёнаў прагаласавала большасць заўзятараў, піша pressball.by.
Таксама на званне аўтара найлепшага гола прэтэндавалі: Ісмаіла Сар («Рэн»), Давід Фаўпала («Апалон»), Пэдра Радрыгес («Чэлсі»), Энца Міё (нацыянальная
каманда Францыі U-17), Кацярына Світкава («Славія»), Крышціяну Раналду («Ювентус»), Нані («Спортынг» Лісабон), Іван Ракіціч («Барселона») і Данілу (нацыянальная каманда Партугаліі).