Дыетолагі назвалі карысныя ўласцівасці вінаграду
- 9.08.2019, 13:25
У свеце налічваецца не менш за 10 000 гатункаў вінаграду.
Навукоўцы выявілі, якія змены адбываюцца з арганізмам пасля штодзённага ўжывання вінаграду. Вінаград мае не толькі выдатны смак, але і ўнікальныя ўласцівасці, патрэбныя для здароўя, піша lenta.ua.
У гэтай папулярнай садавіне ўтрымліваецца тыямін, калій, марганец, рыбафлавін, медзь, вітамін В6 і вітаміны групы К і С. Пералічаныя рэчывы дазваляюць знізіць рызыку з'яўлення пухлін, дыябету, сэрцава-судзiнных захворванняў.
Ягады багатыя антыаксідантамі. Асабліва шмат гэтых элементаў у чырвоных гатунках вінаграду. Антыаксіданты спрыяюць умацаванню імуннай сістэмы і неабходныя для прафілактыкі анкалагічных захворванняў.
Калі штодня, цягам двух месяцаў ужываць вінаград, можна ўзбагаціць арганізм абалонінай, мінераламі, вітамінамі і бялком.
Вінаград - выдатны сродак для прафілактыкі шматлікіх хвароб, паляпшэння памяці і працягласці жыцця, адзначылі спецыялісты.