Расейскі самалёт Су-30 пацярпеў катастрофу ў Індыі

• 9.08.2019, 11:22

Cамалёт упаў падчас выканання трэнінгавага палёту.

Расейскі самалёт Су-30МКІ вайскова-паветраных сіл Індыі, пацярпеў катастрофу ў штаце Асам (на ўсходзе краіны). Інфармацыя пра гэта з'явілася ў тэлеграм-канале «Крылы вайны».

Вядома, што самалёт упаў падчас выканання трэнінгавага палёту, канкрэтная прычына катастрофы пакуль не высветленая. Абодва пілоты двухмеснага знішчальніка здолелі катапультавацца.

Высокая аварыйнасць самалётаў савецкай распрацоўкі не першым разам становіцца праблемай. Так, некалькі дзён назад стала вядома, што Польшча збіраецца цалкам спыніць эксплуатацыю знішчальнікаў чацвёртага пакалення МіГ-29 з прычыны вялікай небяспекі аварый і катастроф.