Фотафакт: У Віцебску пабудавалі ладдзю вікінгаў
- 25.08.2019, 20:02
Энтузіясты працавалі над ладдзёй цягам пяці гадоў.
У Віцебску пабудавалі ладдзю вікінгаў - дракар.
Як паведамляе БелТА, гэта праект клуба гістарычнай рэканструкцыі і мадэлявання "Нагльфар". Энтузіясты працавалі над ім цягам пяці гадоў.
Дракар атрымаўся гістарычна дакладным і цяпер група рэканструктараў зладзіць на ім падарожжа па Заходняй Дзвіне з Віцебска ў Полацк - гэта кароткі адцінак маршруту "з варагаў у грэкі". 150 кіламетраў па рацэ яны спадзяюцца пераадолець за тыдзень.
У Полацку рэканструктары возьмуць удзел у міжнародным фестывалі.