250 чалавек прайшлі маршам па цэнтры Берасця

• 25.08.2019, 12:14

Жыхары горада пратэставалі супраць завода АКБ.

У нядзелю 25 жніўня жыхары Берасця выйшлі на цэнтральную плошчу горада на чарговую акцыю супраць завода АКБ, паведаміў карэспандэнт Charter97.org.

Асаблівасць сённяшняй акцыі ў тым, што многія яе ўдзельнікі надумалі надзець жоўтыя шалікі.

Перад прысутнымі выступіў Фёдар Петрусевіч, актывіст грамадзянскай кампаніі «Еўрапейская Беларусь», які надумаў удзельнічаць у восеньскай выбарчай кампаніі ў Берасці.

Карэспандэнт Charter97.org паведаміў, што на плошчы ў Берасці сабралася блізу 200 чалавек.

Калона пратэстоўцаў рушыла па цэнтральных вуліцах горада.

Падчас шэсця да пратэстоўцаў далучаліся звычайныя мінакі, колькасць удзельнікаў акцыі вырасла да 250 чалавек, паведаміў карэспандэнт Charter97.org