Ілан Маск прапанаваў новую ідэю як «разагрэць» Марс

• 22.08.2019, 18:33

Жаданне зрабіць Марс прыдатным для жыцця чалавека не пакідае Маска ўжо некалькі гадоў.

Ілан Маск вядомы не толькі дзякуючы сваім кампаніям, але і жаданнем каланізаваць Марс. На сваёй Twitter-старонцы мільярдэр апублікаваў адразу дзве прапановы па «рамонце» атмасферы Чырвонай планеты, паведамляе 24tv.ua.

Што прапанаваў Ілан Маск? Абедзве амбіцыйныя ідэі прыцягнулі ўвагу падпісчыкаў Маска: як развязанне ён разглядае сістэму спадарожнікаў з люстэркамі на борце і нават ядзерную зброю.

Жаданне зрабіць Марс прыдатным для жыцця чалавека не пакідае Ілана Маска ўжо некалькі гадоў. Асноўная праблема планеты - адсутнасць шчыльнай атмасферы і экстрэмальная для арганізма чалавека тэмпература на паверхні. Для каланізацыі трэба штучнае стымуляванне кліматычных умоў для забеспячэння жыцця людзей, жывёл і раслін.

Ядзерная зброя на Марсе і крытыка NASA. На сваёй старонцы ў Twitter Маск спачатку прапанаваў нагрэць палярныя вобласці Марса з дапамогай серыі ядзерных выбухаў, якія «не выклічуць павышэнне радыяцыі і будуць працаваць па аналогіі з Сонцам», але ідэя была раскрытыкаваная NASA.

Іншы спосаб. Пазней вынаходнік прапанаваў альтэрнатыву супярэчлівага развязання - выкарыстанне шэрагу спадарожнікаў, абсталяваных адмысловымі адбівальнікамі, якія выканаюць ролю штучнага сонца.

Магчыма, для прагрэву Марса трэба запусціць тысячы спадарожнікаў з сонечнымі адбівальнікамі, - заявіў кіраўнік SpaceX і Tesla.

Каму належыць ідэя з люстранымі спадарожнікамі? Заўважым, прапанаваная Маскам ідэя належыць выпускніку ўніверсітэта Арызоны, які прапанаваў у 2006 годзе выкарыстанне лёгкіх арбітальных люстэркаў для тэраформінга паверхні Марса. За гэтую прапанову студэнт Рыджэлі Войда быў уганараваны прэміяй NASA.