Пад Берасцем напалі на актывістаў «Свінцовай варты»

• 14.08.2019, 13:56

Невядомы збіў актывістку Марыю Галалюк.

Удзень 14 жніўня невядомы мужчына збіў каля акумулятарнага завода пад Берасцем Марыю Галалюк. Дзянісу Малышэнку ён пашкодзіў аўто. Актывісты выклікалі міліцыю, ДАІ і хуткую. Пра гэта паведамляе "Брестская газета".

Алег Вялаў, які прыехаў на месца здарэння на дапамогу актывістам, якія дзяжурылі каля завода, распавёў, што ўдзень 14 жніўня невядомы напаў на актывістку Марыю Галалюк і збіў яе. Акрамя таго нападнік пашкодзіў аўтамабіль іншаму актывісту - Дзянісу Малышэнку.

«На яе (Марыю - заўв. Рэд.) быў учынены абсалютна дзікі, неадэкватны напад. Чалавек напаў на аўто аднаго з дзяжурных, пачаў штурхаць нагамі. Потым адчыніў дзверы і спрабаваў распачаць бойку з кіроўцам. Потым ён звярнуўся (а наша дзяўчына ўсю гэтую справу здымала на відэа) і ўдарыў яе, мяркуючы з відэа, кулаком у твар. Потым пачаў далей збіваць, перакуліў яе на зямлю. Паводзіў сябе абсалютна неадэкватна», - распавёў Алег Вялаў.

Факт нападу актывістка паспела засняць на відэа.

Затым нападнік сеў у аўто і з'ехаў. Актывісты выклікалі міліцыю, ДАІ і хуткую дапамогу.

Са слоў Алега Вялава, нападніка бачылі побач з заводам не раз, аднак хто ён такі, невядома.