Навукоўцы назвалі спецыю, якая падаўжае жыццё

• 13.08.2019, 16:05

Даследаванне правялі спецыялісты Школы грамадскай аховы здароўя Гарвардскага ўніверсітэта.

Людзі, якія ўжываюць перац чылі, павышаюць свае шанцы на падаўжэнне жыцця. Паводле звестак праведзенага даследавання, яны жывуць на 12-14% даўжэй у параўнанні з тымі, хто не любіць і не есць вострую ежу, піша lenta.ua.

Навукоўцы мяркуюць, што прысутнасць у рацыёне харчавання перцу чылі спрыяе зніжэнню рызыкі смерці ад раку, сэрцава-судзiнных захворванняў і праблем з органамі дыхання.

Звесткі, якія сведчаць аб карэляцыі паміж ужываннем перцу чылі і падаўжэннем жыцця, былі атрыманы спецыялістамі Школы грамадскага аховы здароўя Гарвардскага ўніверсітэта і Жаночага шпіталя Брыгама (ЗША). Навукоўцы прааналізавалі звесткі 487 375 чалавек узростам ад 30 да 79 гадоў.

Інфармацыя, якая аналізавалася даследчыкамі, была атрыманая ў выніку сямігадовых назіранняў, якія праводзіліся ў рамках кітайскага агульнанацыянальнага даследавання. За гэты перыяд сярод людзей, ахопленых назіраннем, было зафіксавана больш за 20 тысяч смерцяў. Калі частату смерцяў супаставілі з сістэмай харчавання падыспытных, выявілася, што аматары перцу адрозніваюцца больш важкай працягласцю жыцця і лепшай абароненасцю ад хвароб.

«Сярод людзей, якія часта ўжывалі стравы з перцам, мы налічылі на 14% больш доўгажыхароў. Аматары перцу радзей паміралі ад праблем з сэрцам, лёгкімі і ў сувязі з анкалагічнымі захворваннямі», - канстатавалі ў выніку аўтары праекта.