«Хацелася б працаваць у родным горадзе, а не матацца»

• 12.08.2019, 10:37

Крык душы кіроўцы-міжнародніка.

Жыхар Бабруйска Дзяніс Чарныш расказаў bobruisk.ru:

- Мне 35 гадоў, падрастаюць дачка і сын, а я іх практычна не бачу. Бо не змог знайсці працу ў горадзе, дакладней, яна ёсць, але не задавальняе заробак, давялося ісці кіроўцам-міжнароднікам. Хачу падкрэсліць – вымушаны ісці.

Я не ў захапленні ад таго, што мне трэба матацца па розных краінах і гарадах, я проста зарабляю. Шчыра кажучы, цяжка ўвесь час жыць у кабіне, але пакуль што іншых варыянтаў не бачу. Вельмі б хацелася жыць і працаваць у родным горадзе, часцей бачыць сям'ю...