«Плакалі ўсім офісам»: Як паркуецца ДАІ

• 10.08.2019, 8:31

Дзвюххвілінная камедыя «Выезд з паркоўкі» ад прызнаных майстроў гэтага жанру.

Відэа здарэння на праспекце Дзяржынскага, 57 у Менску апублікаваў блогер NEXTA.

- Засумавалі? Засмуткавалі? Тады вам у гонар заканчэння працоўнага тыдня цэлая дзвюххвілінная камедыя «Выезд з паркоўкі» ад прызнаных майстроў гэтага жанру: пакуль невядомага супрацоўніка ДАІ Менска і яго адданага сябра - службовага «Опеля».

Відавочцы, тыя, хто зняў гэта відэа на праспекце Дзяржынскага, 57 у сталіцы пракаментавалі яго проста і трохі банальна: «Плакалі ўсім офісам». А вось супрацоўніку ДАІ цяпер не да жартаў: уладальнік пашкоджанага аўто выклікаў іншых супрацоўнікаў ДАІ. Разбіраюцца цяпер.