Беларусы сабралі грошы на святло Валянціне Барадулінай на некалькі гадоў наперад

• 24.07.2019, 10:31

Запазычанасць за святло складала 917 рублёў.

Удаве народнага паэта Рыгора Барадуліна Валянціне сабралі грошы на святло на некалькі гадоў наперад. Пра гэта на сваёй старонцы ў «Фэйсбуку» паведаміў грамадскі дзеяч Глеб Лабадзенка. Энергазбыт быў уражаны гэтай акцыяй неабыякавых беларусаў па падтрымцы ўдавы народнага паэта Рыгора Барадуліна. «За святло для Валянціны Барадулінай паступіла 650 (!) плацяжоў», - піша Лабадзенка.

Як паведамляў сайт сharter97.org запазычанасць за святло 80-гадовай Барадулінай, якая пасля смерці ў 2014 годзе мужа жыве адна, складала 917 рублёў. У кватэры з электраплітой была адключаная электрычнасць. Грошы былі сабраныя хутка і запазычанасць ліквідавалі, святло ў кватэры аператыўна падключылі.