Беларус Алег Тамашэвіч перамог у штурханні ядра на Чэмпіянаце Еўропы

• 20.07.2019, 10:28

Чэмпіянат Еўропы для лёгкаатлетаў да 20 гадоў праходзіць у Швецыі.

Беларус Алег Тамашэвіч перамог у штурханні ядра на юніёрскім чэмпіянаце Еўропы (U-20) у Швецыі, паведамляе БелТА.

У другой спробе ён выйшаў у лідары, кінуўшы шасцікілаграмовы набой на 20 м 53 см, а ў пятым выхадзе ў сектар Алег Тамашэвіч паказаў вынік 21 м 32 см.

Срэбным прызёрам чэмпіянату стаў паляк Войцэх Марак - 20 м 07 см, а на трэцюю прыступку п'едэстала гонару ўзняўся Алперэн Карахан з Турцыі - 19 м 76 см. Беларус Аляксей Аляксандравіч заняў чацвёртае месца.

Чэмпіянат Еўропы для лёгкаатлетаў да 20 гадоў працягнецца ў Швецыі да 21 ліпеня.