Нямеччына ўпершыню атрымала большую частку энэргіі з аднаўляльных крыніц
- 19.07.2019, 16:33
Сёлета краіна атрымала 47,3% энэргіі за кошт «зялёнай» энэргетыкі.
У ФРГ, паводле звестак за першае паўгоддзе, баланс энэргаздабычы ўпершыню зрушыўся ў бок аднаўляльных крыніц - 47,3%, піша «УНІАН».
Да іх належаць устаноўкі, якія генеруюць энэргію ветру, сонца, вады і біямасы.
Адзначаецца, што яшчэ 43,4% электрычнасці здабываюць на нямецкай зямлі на вугальных (або цеплавых) і атамных станцыях, падлічыў Інстытут сонечна-энэргетычных сістэм Таварыства імя Фраўнгофера.
На газ у энэргабалансе прыпадае 9,3%, і мінімальная доля 0,4% - на іншыя крыніцы, уключаючы нафту.
Падкрэсліваецца, што да 2030 года Нямеччына хоча давесці долю «зялёнай электрычнасці» да 65%.