«Не ад добрага жыцця гэтыя бабулі працуюць і выходзяць гандляваць за капейкі»

• 19.07.2019, 15:19

Наглядная гісторыя, як выглядае пенсія ў Беларусі.

Выпадкам з жыцця з сайтам kurjer.info падзялілася чытачка:

- Ішла каля «Хіта» ў Слуцку, купіла патрэбных прадуктаў у бабуль, што там сядзяць. І мне ўслед ціхенька адна бабуля кажа: «Дзяўчынка, а вазьмі чорных парэчак па 50 капеек на кампоты». Я на аўтамаце кажу ёй: «Не, дзякуй». Раблю пару крокаў і рэзка тармажу...

У галаву прыйшла думка: «Божа мой, гэта ж бабуля старалася. Даглядала за гэтымі ягаднымі кустамі, выдаткоўвала столькі часу, каб сабраць кожную маленькую ягадку ў слоічак, цягнула сюды гэтыя торбы, стаіць на спякоце, прадае. І ўсё дзеля 50 капеек?» Мяне за лічаныя секунды загрызла сумленне, і я вярнулася і забрала ў яе два апошнія слоікі.

Што я хачу сказаць... Усе мы штодня трацім грошы на якое-небудзь глупства: пакідаем чаявыя, удзельнічаем у маркетынгавых акцыях «1+1 = 3», купляем не заўсёды патрэбныя прадукты дзеля «тавару поспеху» і гэтак далей.

Можа, я наіўная, але мне здаецца, што не ад добрага жыцця гэтыя бабулі працуюць і выходзяць гандляваць гэтымі ягадкамі за такія капейкі. Я не заклікаю нікога гэта рабіць, але калі ў вас ёсць жаданне дапамагчы гэтым бабуля, вазьміце ў іх таксама па слоічку ягадак. Нікому па кішэні гэтыя грошы не ўдараць, а ўзвары рэальна смачныя і карысныя. Не пашкадуеце.