Сямашка паскардзіўся, што Расея закрыла выхад на рынак «Гомсельмашу»

• 18.07.2019, 10:48

Беларускі амбасадар у РФ распавёў пра новую «гандлёвую вайну».

На расейскім рынку не павінны быць дыскрымінацыі беларускай прадукцыі. Пра такую заяву беларускага амбасадара ў Расеі Уладзіміра Сямашкі паведамляе БелТА.

Пры гэтым амбасадар заявіў, што на расейскім рынку існуе дыскрымінацыя беларускай прадукцыі. Як прыклад ён згадаў, што летась зменшыліся пастаўкі малака з Беларусі ў Расею і сёлета такая сітуацыя захоўваецца. Для 62 беларускіх малочных прадпрыемстваў сёння расейскі рынак закрыты цалкам або часткова. У такой жа сітуацыі аказаліся блізу 40 мясаперапрацоўчых і восем рыбаперапрацоўчых прадпрыемстваў. «Гэта нонсэнс, так не павінна быць. Наш прадукт нармальны і мае адпаведную і заслужаную рэпутацыю на расейскім рынку», - абурыўся дыпламат.

Ёсць праблемы і з пастаўкамі беларускай тэхнікі ў Расею. Напрыклад, на 40% знізіўся экспарт «Гомсельмаша». «Абсалютна канкурэнтаздольная прадукцыя, але ёсць бар'еры», - канстатаваў Сямашка.