ЗША заявілі пра збор расейскімі С-400 выведвальных звестак аб знішчальніках F-35

• 17.07.2019, 21:49

Амерыканскія знішчальнікі F-35 не змогуць суіснаваць у Турцыі разам з зенітна-ракетнымі сістэмамі С-400.

Амерыканскія знішчальнікі F-35 не змогуць суіснаваць у Турцыі разам з зенітна-ракетнымі сістэмамі С-400 праз тое, што расейскія «Трыумфы» будуць збіраць выведвальныя звесткі пра самалёты. Пра гэта гаворыцца ў заяве прэс-сакратара Белага дома, піша РБК.

«На жаль, пастанова Турцыі аб куплі расейскіх сістэм СПА С-400 робіць немагчымым далейшы ўдзел краіны ў праграме F-35. F-35 не могуць суіснаваць з расейскай платформай збору выведвальных звестак, якая будзе выкарыстоўвацца для вывучэння іх перадавых магчымасцяў», - вынікае з паведамлення.