Адміністрацыйна-тэрытарыяльнае дзяленне Беларусі могуць змяніць

• 17.07.2019, 16:06

Змены могуць унесці пасля перапісу насельніцтва краіны.

Пасля перапісу насельніцтва адміністрацыйна-тэрытарыяльнае дзяленне Беларусі можа быць перагледжанае. Пра гэта паведаміў сёння журналістам міністр эканомікі Беларусі Дзмітрый Круты, паведамляе БелТА.

«З мінулага года ў краіне вельмі сур'ёзна пачала «падымацца тэма» нашага рэгіянальнага развіцця. «Парламентарыі» атрымалі заданне, пакуль папярэдняе, паглядзець аж да адміністрацыйна-тэрытарыяльнага дзялення краіны, якое апошнім разам было зафіксаванае ў 1960-х гадах і сёння з улікам развіцця, урбанізацыі, дэмаграфіі, міграцыі, натуральна, мае патрэбу ў пэўных карэкціроўках. Тут мы ў першую чаргу чакаем вынікаў перапісу насельніцтва, які адбудзецца ў канцы года», - сказаў Дзмітрый Круты.

У пытанні рэгіянальнага развіцця «асаблівая ўвага» будзе нададзеная гарадам з насельніцтвам звыш 80 тысяч чалавек.