У Гомелі ў лякарню падкінулі нованароджаную дзяўчынку

• 15.07.2019, 17:10

Як мяркуецца, знойдзенай дзяўчынцы ўсяго 5 дзён.

Ва УУС Гомельскага аблвыканкама ўдзень 15 ліпеня паступіла паведамленне ад медперсаналу дзіцячай абласной клінічнай лякарні аб тым, што ў прыбіральні агульнага карыстання, якая знаходзіцца ў холе будынка, выяўленая нованароджаная дзяўчынка. Дзіця ляжала ў ракавіне. Побач быў пакет з дзіцячымі рэчамі, паведамляецца ў Telegram-канале прэс-службы МУС.

Меркаваны ўзрост дзіцяці - 5 дзён. Стан дзяўчынкі стабільны.

Міліцыя шукае маму дзіцяці.