Лідэры БНК Мікалай Статкевіч і Уладзімір Някляеў сустрэнуцца з жыхарамі Баранавічаў

• 13.07.2019, 22:08

Сустрэча пройдзе заўтра, а 15.00.

Кандыдат у прэзідэнты ад Беларускага Нацыянальнага кангрэса Мікалай Статкевіч і старшыня праграмнай камісіі БНК Уладзімір Някляеў наведаюць Баранавічы.

Сустрэча з жыхарамі горада пройдзе на адрасе: вуліца Адама Міцкевіча, 65, паведамляе сайт bnknews.org.

Пачатак - 14 ліпеня а 15:00.

На сустрэчы будуць абмеркаваныя сітуацыя ў краіне і шляхі выхаду з сістэмнага крызісу, у якім апынулася Беларусь.

Запрашаюцца ўсе, каму гэта важна.