У Італіі выпаў град памерам з апельсін
- 10.07.2019, 21:03
Град выпаў у рэгіёне Абруца.
У выніку 18 чалавек апынуліся ў лякарні, у тым ліку цяжарная жанчына з ранамі твару і галовы, паведамляе «Новое время».
У пацярпелых дыягнаставалі ўдары галавы і раны, ім накладваюць швы.
У адной з лякарняў Пескары вадой заліло першы паверх, праз гэта ўсе аперацыйныя былі вымушаныя спыніць працу.
Таксама затапіла парковачную пляцоўку з двума дзясяткамі аўто.
У сувязі з градам была прычыненая сур'ёзная шкода і самому гораду Пескара: пашкоджаныя аўтамабілі, выбітыя шыбы ў вокнах, прабітыя дахі дамоў.
Ад непагадзі цяпер пакутуюць паўночны рэгіён Эмілія-Раманья, цэнтральны Абруца і вобласць Маркэ.