Заўтра ў Беларусі зменшыцца кошт некаторых тыпаў паліва

• 8.06.2019, 20:02

Дызель і АІ-95 патаннеюць на 1 капейку.

Раздробныя кошты на некаторыя тыпы маторнага паліва на беларускіх АЗС з 9 чэрвеня 2019 года памяншаюцца на 1 капейку. Пра гэта паведаміла прэс-служба «Белнафтахіма».

Кошт бензіну АІ-95 і дызельнага паліва ДТ складзе 1,68 рубля. Кошт бензіну АІ-92 і АІ-98 застанецца без змен.

Памяншэнне кошту адбылося ў сувязі са зніжэннем цягам мінулага тыдня кошту нафты, якая пастаўляецца на беларускія нафтаперапрацоўчыя заводы.

Нагадаем, раней у «Белнафтахіме» ўжо намякалі на тое, што кошт паліва пры захаванні кошту нафты, што ўстанавіўся ў канцы траўня, можа знізіцца.