У Індыі расейскі знішчальнік МіГ-29 страціў паліўны бак
- 8.06.2019, 16:51
Бак упаў на ўзлётна-пасадачную паласу і загарэўся.
У Індыі адбыўся інцыдэнт са знішчальнікам МіГ-29К, праз што была прыпыненая праца міжнароднага аэрапорта ў штаце Гоа. Пра гэта паведамляе korrespondent.net са спасылкай на India Today ў суботу, 8 чэрвеня.
Адзначаецца, што падчас узлёту ў знішчальніка адарваўся паліўны бак. Ён упаў на ўзлётна-пасадачную паласу і загарэўся.
Праз гадзіну пасля гэтага здарэння аэрапорт аднавіў працу ў штатным рэжыме.
Сам МіГ-29 не разбіўся, пілот не пацярпеў.