У суботу ў Беларусі будзе да +31

• 7.06.2019, 18:47

Месцамі пройдуць кароткачасовыя дажджы.

У суботу, 8 чэрвеня, у Беларусі чакаецца пераменная воблачнасць, інфармуе Белгідрамет.

Уначы будзе пераважна без ападкаў, удзень месцамі пройдуць кароткачасовыя дажджы, прагрымяць навальніцы. У асобных раёнах прагназуюцца моцныя дажджы, магчымы град. Вецер будзе паўднёва-ўсходні, паўднёвы, слабы да ўмеранага, пры навальніцах моцны парывісты.

Уначы прагназуецца +13... +19, удзень паветра прагрэецца да 26-31 цяпла.