Кіраўніцтва «Ждановічаў» адказала на словы Лукашэнкі пра «калгас»
- 4.06.2019, 10:54
Пытанне аб гэтай тэрыторыі «вісіць» ужо 10 гадоў.
Тыдзень таму ў эфіры АНТ Лукашэнка крытычна выказаўся пра рынак, які знаходзіцца каля МКАД. Журналісты паказалі відэа з колавай на «Ждановічы», пры гэтым «свядома не называлі рынак», «каб не расслабляліся ўсе ўладальнікі гандлёвых плошчаў». Сайт tut.by даведаўся, што пра гэта думае кіраўніцтва «Ждановічаў», і як далей будзе развівацца аб'ект.
Правадыр праехаў па МКАД - паглядзеў, што адбываецца на колавай, і пракаментаваў прыдарожную інфраструктуру. Дасталася і аднаму з рынкаў Менска.
- Паглядзі на гэты рынак, ну што гэта такое, паглядзі, якое бязладдзе тут, - сказаў Лукашэнка кіраўніку Менгарвыканкама Анатолю Сіваку, які сядзеў побач.
Той патлумачыў, што надзел будзе забудоўвацца.
- Ну, чыгунка - трэба падумаць, што тут зрабіць, але гэта ж горш, чым у тым калгасе, - сказаў дыктатар.
Пры гэтым журналісты не згадалі назву месца, але паказалі кадры з відам з МКАД на тэрыторыю харчовага цэнтра і надзел перад ім.
Кіраўніцтва «Ждановічаў»: «Пытанне гэтай тэрыторыі стаіць ужо 10 гадоў»
Кіраўнікі рынка «Ждановічы» кажуць, што не ведаюць, пра што менавіта ішла гаворка ў рэпартажы, - на такія сустрэчы іх не запрашаюць, гутарак на гэтую тэму ў адміністрацыі раёна і Менгарвыканкаме, з іх слоў, не было.
- Калі браць кадры, якія распаўсюдзіла ОНТ, то аб гэтай тэрыторыі ўжо 10 гадоў стаіць пытанне. Яна будзе канфіскоўвацца ў «Гандлёвага дома «Ждановічы» на заяву адміністрацыі Цэнтральнага раёна ў кастрычніку гэтага года. Яна ідзе пад канфіскацыю, пад пашырэнне вуліцы Ціміразева. Гэта нашая тэрыторыя, але апошнія 10 гадоў мы там нічога не маглі будаваць, проста трымаем яе ў чысціні. Таму яна ў такім стане, - тлумачыць дырэктар «Ждановічаў» Аляксандр Мельнік.
У сувязі з рэканструкцыяй вуліцы Ціміразева на гэтым месцы пабудуюць разваротнае кола грамадскага транспарту.
Як будзе развівацца рынак далей
Ёсць архітэктурная канцэпцыя, якую ў 2018 годзе разгледзеў камітэт архітэктуры і горадабудаўніцтва Менгарвыканкама. Цяпер яна знаходзіцца на канчатковым узгадненні пасля заўваг і правак.
Згодна з канцэпцыяй харчовы рынак, які бачны з колавай, цалкам рэканструююць, побач пабудуюць паркінг. Даты будаўніцтва і рэканструкцыі кіраўнікі не называюць да канчатковага ўзгаднення праекта.
- Апошнія сем-восем гадоў мы ўводзілі ў эксплуатацыю па будынку на год. Мы ў развіцці не спыняемся. Радыёмаркет пабудаваны, рэстарацыю KFC здалі ў мінулым годзе, у гэтым годзе пераносім рынак у Табары. Агульнае добраўпарадкаванне стрымліваецца праектнымі работамі рэканструкцыі вуліцы Ціміразева, - кажа дырэктар Аляксандр Мельнік.
У планах развіцця рынку ў «Ждановічах» была таксама канцэпцыя рэканструкцыі «Лебядзінага» і «Поля цудаў».
- Гэтая канцэпцыя прайшла грамадскае слуханне, але потым дзяржава прыняла пастанову выставіць зямлю на аўкцыён і змяніць прызначэнне тэрыторыі - пад жыллё. Мы планавалі пабудаваць там грамадскія бізнэс аб'екты, два гандлёвыя цэнтры, салон аўто, вялікую зону адпачынку, - кажа Аляксандр Мельнік.
Кіраўнікі тлумачаць, што тэрыторыя рынку запатрабавана, і яны хацелі б бачыць тут не толькі ІП, але і іншыя формы гандлю. Але прыбытак арганізацыі не расце, таму ў «Гандлёвым доме «Ждановічы» чакаюць, калі тут адкрыецца Leroy Merlin - як якарны арандатар. Гэта павінна здарыцца ў 2020 годзе.
- Для нас гэта найперш аб'ект, які будзе з'яўляцца прыцягненнем насельніцтва. Да «Ждановічаў» трэба даехаць, крокавай даступнасці няма. Гандлёвы гарадок «Лябядзіны», які з'яўляецца асноўным прывабным чыннікам цяпер, - яго неўзабаве не стане.
Плануецца, што ў чацвёртым квартале 2019 года «Лебядзіны» пераедзе ў Табары.
Таксама ў планах «Гандлёвага дома «Ждановічы» пабудаваць на месцы аўтарынка, у межах вуліц Ціміразева, Княгінская, Камайская, гіпермаркет на шэсць тысяч квадратаў.