Фотафакт: У жодзінскім таксі працуе 55-гадовы «Запарожац»

• 30.06.2019, 16:02

Сфатаграфавацца з аўто спыняюцца многія людзі.

Па вуліцах Жодзіна ездзіць старэнькі, але яркі «Запарожац» з нумарамі таксі. Як апавёў ex-press.by уладальнік службы таксі, у якім працуе такая незвычайная машына, патрэбная яна для рэкламы сэрвісу.

– Гэты «Запарожац» у 1964 годзе ў Жодзіне набыў мой дзед, – апавёў Валерый. – Мы яго адрэстаўравалі, замянілі рухавік, прывялі ў парадак. І ўсё, што на машыне – валізкі, вуды, сачок і надзіманае кола – гэта рэчы з мінулага.

Цяпер машына выконвае рэкламную ролю, да кліентаў яе не выпраўляюць. Сфатаграфавацца з ёй спыняюцца многія людзі. І, пры жаданні, пракаціцца на ёй можа кожны.