У Гародні з'явілася графіці, зробленае на аснове 450-гадовай гравюры

• 27.06.2019, 19:33

На гравюры - Фара Вітаўта, Стары замак і Каложа.

На сцяне гарадзенскай гімназіі №10 з'явілася гравюра Ёгана Адэльгаўзэра і Матыяса Цюнта з панарамай Гародні. Мяркуецца, што гэта была першая рэальная выява горада, піша «Радыё Свабода».

На гравюры - Фара Вітаўта, Стары замак, Каложа, якімі яны былі 450 гадоў таму, перад самай Люблінскай уніяй.

У меншым маштабе гравюра выяўленая і на іншых гарадзенскіх будынках, напрыклад, на краме «Баторыя» насупраць Савецкай плошчы.

Упершыню гравюра «Vera designatio urbis in Littavia Grodnae» (Сапраўднае апісанне горада Гародня ў Літве) была выкананая Матыясам Цюнта (Matthias Zündt) у 1568 годзе з малюнка Ганса Адэльгаўзэра, які той зрабіў у ліпені 1567 года, калі ў Гародню прыехалі чатыры амбасады: маскоўскі, татарскі, турэцкі і валашская. На гравюры выяўлена сцэна сустрэчы літоўскага маршалка Валовіча з маскоўскім пасольствам.

На адваротным баку змешчана тэкставая інфармацыя пра горад. У 1575 годзе гравюру горада Гародня ў крыху спрошчаным выглядзе намалявалі Франц Хагенбэрг і Георг Браўн. Яны змясцілі яе ў сваім «Атласе гарадоў зямнога свету». Ёсць і больш познія варыянты, яшчэ менш дакладныя і якасныя.