Ва Украіне кандыдаты «Голасу» абавязаліся не ісці ў Раду больш чым на два тэрміны
- 25.06.2019, 17:43
Партыя Вакарчука абяцае замацаваць гэты прынцып у Канстытуцыі Украіны.
Ва Украіне кандыдаты ў нардэпы ад партыі «Голас» падпісалі абавязальніцтва не балатавацца ў Вярхоўную Раду больш чым на дзве кадэнцыі.
Пра гэта паведамляе прэс-служба партыі, піша «Новы час».
Кандыдаты публічна абавязаліся ініцыяваць змены ў Канстытуцыю і законы, каб абмежаваць колькасць поўных кадэнцый народнага дэпутата да дзвюх запар.
Вакарчук адзначыў, што гэта робіцца для таго, каб даць магчымасць новым людзям прыходзіць у парламент і прадаўжаць змены.
Нагадаем, 16 траўня на Старакіеўскай гары ў Кіеве Вакарчук абвесціў, што ідзе на парламенцкія выбары, прадставіўшы сваю партыю «Голас».